46.lv
Piektdiena, 2024. g. 29. marts 46.lv на Twitter 46.lv на Facebook
Vārda diena: Agija, Aldonis/ Трохим, Иван
lat.46.lv/ru/ » RĒZEKNES ZIŅAS

Sūpluok maņ, Tev, myus i Jius

Фото: Māris Justs
Nu 6. leidz 17. augustam 32 bārni i pusaudži pamatā nu Rēzeknis i Rēzeknis nūvoda (bet ir ari reidzinīks!) pavadēs kūpā nūmetnē “Sūpluok”. Tei ir pyrmuo radūša, muokslinīcyska i latgaliska nūmetne taida vacuma bārnim. Redzēs, kai izadūs i cik gandareiti par sadarbeibu byus bārni, jūs vacuoki i pedagogi nūmetnis nūslāgumā.
Pīpiļdeita vosorys laika pavadeišona jūprūjom ir problēma tim, kas sevi izteic daudzpuseibā i daudzveideibā. Latgolā pamatā ir sporta nūmetņu izviele. Itamā nūmetnē bārni radynuos sovu i vacuoku izpratni par latgaliskajom tradicejom (I. Šuplinska), raudzēs skaistys pīminis lītenis izgatavuot ar nūmetnis vadeituojis L. Kivlenieces-Kuzņecovys atbolstu. Sevi izzynuot i itam pasauļam pīlāguot tai, kab napazustu pats, paleidzēs L. Rundāne i E. Muizniece – obom nav sveša dzejis raksteišona, muokslys studejis, Līgai vaira drāmys terapejis, Evikai – kulturys menedžmenta i volūdu saskaris lītuos. Ē. Zeps nu „Rikšim” breivajā laikā pīduovuos etnomuzykys pamatus, bet I. Gusāns (Sovvaļnīks) runuos par modernuos muzykys atteisteibu i dīdžeja ampluā.
 
Pasateicūt Ē.Zepa i I.Gusāna īvirzem, 11.augustā kūpā ar vysu Latveju Rēzeknis Tehnologeju akademejā nu plkst. 16. leidz 21.00 byus Večerynka bārnim i pusaudžim. Iz tū aicynuots sevkurs riezeknīts voi piļsātys gosts. Deju ritmi byus nu tautiskajim da metaliskajim gobolim.
 
Bet strāčeiti vieļuok byus ari animacejis filmu prezentacejis, uz kurom aicynuosim skateituojus. Par animacejis salikšanu ryupejās M. Justs.
 
Nūmetni organizej Latgalīšu kulturys bīdreiba sadarbeibā ar Rēzeknis Tehnologeju akademeju. Finansiali atbolsta vacuoki i Vaļsts kulturkapitala fonda Latgolys kulturys projekts „Bērnu un pusaudžu dienas nometne “Sūpluok””.

www.46.lv  
Pievienot komentāru
Vārds:
Komentārs:
Foto:
Links uz video (Youtube,Vimeo):
  Apliecinu, ka esmu iepazinies un pieņemu komentāru izvietošanas noteikumi


 

Profesiju aprakstu katalogs
Amatu aprakstu paraugi


Powered by "Esteriol Design Studio"