46.lv
Piektdiena, 2024. g. 29. marts 46.lv на Twitter 46.lv на Facebook
Vārda diena: Agija, Aldonis/ Трохим, Иван
lat.46.lv/ru/ » RĒZEKNES ZIŅAS

Padūtys Nikodema Rancāna konkursa bolvys

Фото: rta.lv / Māris Justs
23. septembrī Preiļu nūvoda kulturys centrā nūtyka caturtuo N. Rancāna bolvys izcyluokajim Latgolys regiona pedagogim nūslāguma pasuokums. Dažaiduos nominacejuos bolvys sajēme 7 lobuokī školuotuoji. N. Rancāna bolva izveiduota 2015. godā, gūdynojūt izcyluo pedagoga, sabīdryskuo darbinīka i goreidznīka pīmini. Bolvys autors – rūtkaļs Rihards Ciblis.
Konkursam tyka īsnīgti 16 pretendentu darbeibys aproksti. Izreiz juosoka, ka šūgod natyka pasnīgtys bolvys divuos nominacejuos, partū ka tymuos beja pa vīnam pīteikumam: Veiksmeiguokuo pedagoga debeja i Latgaliskuos vidis populariziešona pyrmsškolā. Tymā pošā laikā obuos nominacejuos izvierzātī pretendenti beja gona daudzpuseigi, lai uzvarātu žurejis nūteiktajuos kategorejuos.
 
Nominacejā „Par myusdīneigu un rodūšu pīeju školānu dorba tykuma audzynuošonai un omotu apvuiceibai” uzvarēja Harolds Kavinskis (Dagdys všk., Dagdys nūv.), kas preteņdēja ari iz veiksmeiguokū debeju. Eistineibā Harolds itamā dīnā beja boguotuokais, partū ka sajēme ari Eiroparlamenta deputatis Inesis Vaideris specialū bolvu – braucīni iz Briseli. Specialuo bolva tyka ari Tilžys všk. (Bolvu nūv.) školuotuojai Ainai Rakstiņai.
 
Kotru godu leluokais pīteikumu skaits ir nominacejā „Par inovacejom izgleiteibys procesā”. Ari itys gods nabeja izjāmums. Uzvarātuojis: Bronislava Andžāne (Ezernīku všk., Dagdys nūv.) i Vineta Pavlova (Austrumlatvejis Tehnologeju všk, Rēzekne).
 
Tai kai konkursu reikoj Latgalīšu kulturys bīdreiba sadarbeibā ar Rēzeknis Tehnologeju akademeju, tod gaideituokuo ir nominaceja „Par īguļdejumu un sasnāgumim latgalīšu volūdys, kulturviesturis un nūvoda vuiceibys īvīsšonā un īdzeivynuošonā vuiceibu/ studeju vidē”. Šūgod žureju ar sovu dorbu snīgumu puorlīcynuoja Rudīte Laganovska (Baļtinovys všk., Baļtinovys nūv.) i Marija Andina (Iļziskolna pyrmsškolys īstuode, Rēzeknis nūv.). Eipašuo bolva itamā nominacejā daudzu gruomotu autorei, školuotuojai i nūvodpietneicai Irēnai Šaicānei (Bolvu Vaļsts gimnazeja).
 
Kūpejuo nūskaņa, kai jau īrosts, sirsneiga i školuotuoja miseju izgaismojuša, pateiceibys pylna. Školuotuoji i jūs pavadeituoji varēja baudēt Latvejis Nacionaluos operys i baleta solistis Ilonys Bagelis dzīduojumu, kai ari prīcuotīs par Preiļu Muzykys i muokslys školys bārnu, jaunīšu i pedagogu snīgumu. Napīspīstū atmosfēru radeja ari tys, ka bolvu padevieji beja N. Rancāna bolvys uzvarātuoji īprīškejūs godūs.
 
Paļdis par finansialū atbolstu Preiļu, Rēzeknis, Viļakys, Viļānu, Ludzys, Leivuona, Bolvu i Dagdys pošvaļdeibom, kai ari RTA projektam „Nūvodvuiceiba”.
 
Pasuokuma organizatori prīcuosīs, ka gon pīteikumu skaits, gon finansialais atbolsts byus nu vysu Latgolys pošvaļdeibu!


 
 
Ilga Šuplinska, 
pasuokuma koordinatore i idejis autore

www.46.lv  
Pievienot komentāru
Vārds:
Komentārs:
Foto:
Links uz video (Youtube,Vimeo):
  Apliecinu, ka esmu iepazinies un pieņemu komentāru izvietošanas noteikumi


 

Profesiju aprakstu katalogs
Amatu aprakstu paraugi


Powered by "Esteriol Design Studio"